Antia a muri
n’ ta tin ni ocho dia
Antia a muri
n’ ta tin ni misa rekièm
Pais a nase
ta ki dia tin boutismo?
Wak dilanti ruman
laga pasado pa olvido
wak bo dilanti
pa bo no bira un pilá di salu
Ki nos ta bai hasi ruman
kiko ta bo plan pa futuro?
Bo ta djaki?
awèl mi tambe i tur otro
Bo ta djaki?
awèl nos tur ta yu di tera
kome funchi, kome yòrki, aros moro
pan shoarma, yena keshi ku galiña
Stòp di pleita ruman
pleita den parlamento
No tin koriente
ki ta hasi k’e planta fantasma?
M’a bira malu
den kua hospital mi tin ku drumi?
Sèn ta kaba
nos ta bolbe kai den debe?
Pais ta mucha
e tin ku bira un adulto
Pais ta gatia
e tin ku kana, kore, p’e por bula.
Kompader
Canción, skibí muchu antes di e quiebro.
ReplyDeleteANTIYAS
den nos bena ta kore sanger fuerte
den nos bena ta kore sanger liber
iuní pa nos historia
nos por yama otro ruman
den nos bena ta kore sanger puru
prueba di nos identidad
i uni pa nos bandera
nos por duna otro man
Antiyas, Antiyas
islanan precioso den Caribe
Antiyas, Antiyas
nos forsa ta nos unión
Saba, St, Maarten, Bonairu
i dushi Korsou
aunque idioma diferente
nos ta papia e mes un lenga
Antiyas, Antiyas,
islanan precioso den Caribe
Antiyas, Antiyas
nos forsa ta nos unión
Antiyas, Antiyas
islanan precioso den Caribe
Antiyas, Antiyas
nos unión ta nos libertad