Sino

Bon dia, bon tardi, bonochi
aki ta papia Wan Pueblo
un humilde serbidor
no ta kos di kanta makamba
pero ku dòsplaka di sintí.

Ata tin ku bai vota atrobe
e biaha akí ta sí o nò
esun opshon ta hulandes ta bin manda
e otro opshon ta latino ta bin manda.

Mi kasá a bisa mi keda afó
no hasi kos di trimintí
no hinka mi boka aden
no hasi kos di mi koló.

Sabínan sa kiko nan ta hasi
hendenan studiá tin den komishon
ke men mihó bo bai kap e palu di apeldam
ku tur santu di dia ta susha kurá.

Pero ta mi derecho
asta ta mi deber
pa ekspresá mi opinion
mester bin un di tres opshon
kaminda nos mes lo bai manda
esta opshon SINO.

Kompader