JULIAN COCO ,
un homber di un palabra
semper fuerte pará den su sapatu
Julian, danki pa dunami e honor
di por ta un amigo di balor
abo a demostrami den tur sinceridat
kiko di berdat ta amistat
awe b’a bisami ku pronto bo ta bai
pa nunka mas bo regresá
m’a keda ketu, un silencio a kai
mi no tabata sa ki kontestá
un poesia bo a pidimi di despedida
despedida di e tesoro grandi yamá BIDA
Julian, palabra nunka ta bastante
pa bisabu loke ta biba den mi padén
ta pesei den silencio mi ke lagabu sa
ku loke na Bida un berdat tabata
nunka nunka lo somentá
pa semper serka nos lo bo ta
despedida mi no ta tuma
ni tampoko yamabu ayó
bo bos i bo guitarra
den mi lo keda resoná
Julian, danki
Diana Marquez
Subscribe to:
Post Comments (Atom)
1 comment:
Hier sluit ik me heel graag bij aan
Post a Comment