Muhé,
semper bo mester a lucha
pa haña un trato hustu
te asta di esnan ku bo stima
historia a mustra
ku riba tur tereno
kada biaha di nobo
bo mester prueba bo mes
apesar di tur esakinan
bo no a keda marká
komo ku bo ta speshal
un obra maestral
sigui lucha
pa bo mes, i otronan
sigui lusi
pa iluminá i duna direkshon
bo ta e fòrti fuerte
e brasa pa refugio
e fuente pa motivá
i e kurason pa komprondé
Muhé
bo ta e esensia di bida
reina di tur rei
solamente, no ta tur sa esei
Hensley F. Koeiman
568-8709
Subscribe to:
Post Comments (Atom)
1 comment:
muhénan, lanta fo'i soño
nos no tin doño
mustra ku nos tambe ta capás
cu nos no ta catibu di cas
ta un mentira cu nos ta destiná
pa laba paña so i cushiná
nos tambe tin nos personalidad
nos tambe ta conta den comunidad
semper nos a laga otro dicidí pa nos
cu boca será nos a guli tur cos
ta pesei a llega ora
no pa llora sino pa canta
no pa bringa sino pa lanta
for di e soño tan profundo
i cu curashi pa ta nos mes
Diana Marquez (1965)
Post a Comment